فرحات وشيرين | تعليقات حلقة 1

Saturday, November 23, 2019



القصة رتمها فيراري ماشية 300 . بزيادة حشروا كثير احداث بحلقه ، ايش بقى لبقية الحلقات ؟؟؟؟


صدق قصة حبهم ما كانت بهللتين زي ياماتش وسنا الي بخمس ايام حبوا بعض بعدين تزوجوا . السناريست بينوا لنا كيف كان يشتغل لأيام وتوطدت العلاقة بينهم لين ما راحوا مع بعض لازمير لكن افضل لو حفل شيرين بأزمير صار بالحلقة الجاية.

غير إن بنفس الحلقه بانو صارت تميل له؟؟ ريتهم لو مهدين شويتين بيطلع رتم الاحداث مقنع ومظبوط.

منظر الخوات وكل وحدة منهم تتزبرك عشان سي افندي فرحات صراحه ضحكني .

اول مسلسل أحب البطل مع الطرفين هو حلو مع بانو وحلو مع شيرين لذا انا اشبح للكل.



  • فرحات


شخصية حلوه لانه مو واثق من نفسه وعلى الصامت اغلب الوقت زي عادة الشخصيات الرئيسة ، فرحات ما شاء الله من كثر ما تكلم قلب مصلح اجتماعي بين الخوات .


الفقير ما سوت عليه انقذها جاو غرفوا قلبه وخرعوه يصارخون ومسدسلات ،انا انخلعت ومالي دخل . بس فشلنا جالس ساهي يطالع بشرين ،اثقل حسبي على ابليسك.

مره عجبني  مقطع كيف انه يشتغل و اهي تعزف لدرجة عزفها صار يرن بباله حتى وهو مو حولها.




  • صادق


مثل عظمة السمك الي تنشب بالحلق حشى بكل محل مرتز.

  • يغيت


انا اعرف الجلاب الي مثله من نظرة .قليبي كان حاس انه واحد معفن هو والي معاه 
يعلكم بقبيلة جن تستوحد فيكم يارب.



  • بانو


تركيبة شخصيتها كيف انها رئيسة مافيا وبرضو تعتبر كبيرة العايله (الجدة احسها ديكور لا تهش ولا تنش ) مرة شيء جذاب لكن وقوعها بحب فريحات أبد ما عجبني . 

من ناحية تركيبة الشخصية طبعا راح تلتفت لفرحات لانه ما يهابها مثل اكثر الرجال الي حولها ، ويقول الي بباله لها .بس صراحه احس صادق حليو لها ومن الاعلان للحلقة الثانية شكله بيبدأ شد الشعر بين صادق وفرحات.




  • شيرين 


احس تدري ان يغيت يخونها وعشان كيذا صارت تصرخ عليه على اتفه الاسباب .


  • الجدة


الخايسة  شينة النوايا عزمت فرحات للعشاء عشان تستحقرة قدام شين الفعايل يغيتوه ، بعدين محبتها الزايدة ليغيت شيء مشبوه فيه ، يعني ليه بزايدة ماخذة طرفه ضد حفيدتها؟



No comments

Powered by Blogger.